Haracyabaho kwitana ba mwana ku makosa y’ibyiciro by’ubudehe

Kwitana ba mwana hagati y’abayobozi mu nzego z’ibanze ndetse n’abaturage ku makosa akorwa mu ishyirwa mu byiciro by’ubudehe birakomeje.

Bamwe mu baturage bo mu Ntaray ’Uburasirazuba bavuga ko aya makosa atuma badahabwa serivisi z’ubuvuzi uko bikwiye cyangwa rimwe na rimwe ntibazihabwe kubera ibi byiciro aribyo byifashishwa mu gutanga mutuel.

Inzego z’ubuyobozi zo zivuga ko ubundi ibi byiciro bidashyirwaho n’abayobozi ahubwo bikorwa n’abaturage ubwabo, bityo ngo mu gihe hari umuturage waba utishimiye icyiciro cy’ubudehe arimo yabisaba bigakosorwa.

Umwe mu baturage batuye mu karere ka Kayonza mu Ntara y’Uburasirazuba avuga ko yari agiye kwivuza maze agasanga umwana we baramutandukanyije nawe mu cyiciro cy’ubudehe maze bigatuma atavurwa.

Usibye ibi kandi ngo yaje kubigeza ku buyobozi maze bamusaba amafaranga kugira ngo bikosorwe.

Usibye uyu hari n’abandi bavuga ko biba byarakozwe neza nyuma hakagaragaramo amakosa ngo benshi byakozwe batabisobanuriwe neza

Mu mboni za bwana Jean Damascene Harerimana, Umuyobozi w’Akarere ka Kayonza ushinzwe imibereho myiza y’abaturage abona ibi bikwiye gukosorwa.

Kenshi ibyiciro by’ubudehe mu Rwanda ntibyagiye bivugwaho rumwe hagati y’abaturage na leta, byageze naho amazina yakoreshwaga nk’abahanya, abatindi, n’ayandi avanwa muri ibyo byiciro hakoreshwa imibare.

Raporo yagejejwe ku nama y’abaminisitiri muri 2016 yagaragje ko benshi mu banyarwanda bari mu cyirocya gatatu.

Icyiciro cya mbere harimo abagera kuri 1,480,167, ni ukuvuga 16% by’abanyarwanda bose.

Icyiciro cya kabiri harimo abantu 3,077,816 bangana na 29.8% by’abanyarwanda bose.

Icya gatatu kirimo 5,766,506 bangana na 53.7% by’abanyarwanda muri rusange.Naho icya 4 kirimo 58,069 bahagarariye 0.5 by’abanyarwanda bose.

Ibibyiciro by’ubudehe byatangiye kugenderwaho muri 2016 byifashishwa mu kugenera abaturage batishoboye gahunda zibateza imbere zirimo inkunga y’ingoboka, VUP, ubwisungane mu kwivuzan’izindi.

Yisangize Inshuti.

Ibitekerezo

Tanga Igitekerezo